कांग्रेस महामन्त्री गगन थापा काठमाडौं–४ बाट सर्वसम्मत सिफारिस

Ecoecopolitics Desk५ दिन अगाडि

कांग्रेस महामन्त्री गगन थापा काठमाडौं–४ बाट सर्वसम्मत सिफारिस

नेपाली कांग्रेसका महामन्त्री गगन थापा आगामी फागुन २१ गते हुने प्रतिनिधिसभा निर्वाचनका लागि काठमाडौं क्षेत्र नम्बर ४ बाट सर्वसम्मत रूपमा उम्मेदवार सिफारिस भएका छन्। कांग्रेस क्षेत्रीय समिति बैठकले प्रत्यक्षतर्फ काठमाडौं–४ का लागि थापाको मात्र नाम सिफारिस गर्ने निर्णय गरेको हो।

रोल्पा र धनकुटाबाट पनि थापाको नाम सिफारिस भए तापनि उनले काठमाडौं–४ नै आफ्नो स्थायी निर्वाचन क्षेत्र भएको बताउँदै यहीँबाट उम्मेदवारी दिने निश्चित गरेका छन्। लगातार यही क्षेत्रबाट विजयी हुँदै आएका थापा कांग्रेसभित्र अत्यन्त लोकप्रिय नेता मानिन्छन्।

यस्तै, समानुपातिकतर्फका लागि राधा घले, नर्मदा पोखरेल र राजन विश्वकर्माको नाम सिफारिस गरिएको क्षेत्रीय समितिले जनाएको छ। यी सिफारिससँगै काठमाडौं–४ मा आगामी निर्वाचनमा थापाको उम्मेदवारी झनै पक्का भएको टिप्पणी गरिएको छ।